O Concello de Boiro e Mulleres Salgadas impulsan un curso de habilidades dixitais para mulleres do mar

O Concello de Boiro financia un curso de formación en competencias dixitais para mulleres do mar que leva a cabo a entidade Mulleres Salgadas. O alcalde, José Ramón Romero; e a concelleira de Medio Ambiente e Mar, Olga González; acompañaron na tarde deste 5 de febreiro e ás persoas asistentes no inicio da actividade formativa.
O curso que comezou este luns desenvólvese no Centro de Formación e Viveiro de Empresas de Espiñeira e está destinado a mulleres que traballan no sector do mar co obxectivo de facer unha achega ao uso de certificados dixitais e outras habilidades prácticas relacionadas coas novas tecnoloxías.
A formación lévase a cabo en dous grupos dunhas 12 persoas cada un e vaise desenvolver os luns e martes dos meses de febreiro e marzo. “O sector do mar é fundamental para a economía do noso concello e queremos apostar por levar a cabo proxectos que potencien o sector”, afirmou o alcalde boirense, José Ramón Barreiro.
O Concello de Boiro e Mulleres Salgadas asinaron un convenio de colaboración para financiar actividades formativas destinadas ao colectivo de mulleres do mar entre as que se atopa esta formación en habilidades dixitais para mulleres do mar.