O Concello da Coruña renovará o proxector dixital do Planetario da Casa das Ciencias
martes, 3 de xaneiro do 2023
O
Concello
da Coruña iniciou o procedemento de licitación dun proxecto de
renovación do sistema de proxección dixital do Planetario da Casa
das Ciencias. A adquisición por parte da Administración
municipal deste novo sistema contará cun orzamento de 214.000 euros.
Segundo fontes do Concello, será a primeira renovación levada a
cabo polo Executivo coruñés deste proxector dixital desde o 2009.
Este proxecto abéirase ao proceso de melloras dos Museos Científicos
locais levadas a cabo polo Goberno de Inés Rey.
Temos
o compromiso e a obriga de mellorar os nosos museos, que contribúen
a diario á divulgación científica entre persoas de diferentes
idades", dixo a rexedora.
O
novo sistema de proxección do Planetario contará cunha maior
resolución que o anterior, cun mínimo de 2.400 píxeles. Permitirá
unha imaxe dixital de vídeo fulldome de 180 por 360
graos e 5 metros de radio. Dende o Concello conclúen que “a
tecnoloxía LED ou láser permitirá tamén mellorar a eficiencia
deste sistema, así como ampliar a súa vida útil e abaratar os
custos das posíbeis reparacións”.