O Colectivo Remonte inicia unha campaña de restauración do monte galego

Unha asociación sen ánimo de lucro coñecida coma Colectivo Remonte iniciou unha campaña de restauración forestal integral das zonas afectadas polos lumes que azoutaron a xeografía galega o pasado verán, e baixo o lema 1€=1 árbore preténdese que os cidadáns poidan apadriñar unha árbore facéndose partícipes deste ilusionante proxecto.
A nova campaña lánzase dende a páxina web montegalego.org, onde se publica información sobre o xeito de colaborar con esta interesante iniciativa.