O Centro de Supercomputación de Galicia inaugura as xornadas informativas sobre Horizon 2020
martes, 6 de maio do 2014
A
Axencia Galega
de Innovación
(GAIN) está a preparar unha serie de xornadas informativas por toda
Galicia. Estes encontros darán comezo este mércores 7 de maio baixo
o título de Horizon
2020: oportunidades de financiamento (Sociedades Seguras),
tendo lugar no Centro
de Supercomputación de Galicia
(Santiago de Compostela) de 10 a 13 horas. Asemade, tamén se poderá
seguir esta xornada a través de vídeo conferencia en Vigo, na sede
do Consorcio
Zona Franca de Vigo
(Área Portuaria de Bouzas, s/n).
Os
temas a tratar neste encontro serán: as oportunidades de
financiamento que achega o Programa Horizon 2020 no eido da
seguridade, as principais claves para acadar propostas con éxito
amais de expoñerse as axudas e servizos de apoio á GAIN. Varios
serán os relatorios levados a cabo nesta xuntanza: Da estratexia
de especialización intelixente de Galicia (RIS3); Sociedades
Seguras: Oportunidades de financiamento en Horizon 2020 e regras de
participación; Axudas da Axencia Galega de Innovación á
participación das PEME galegas en programas europeos e nacionais de
I+D+I. Os bonos de innovación; Servizos e ferramentas de apoio da
Axencia Galega de Innovación á participación galega en programas
europeos de I+D+I.
O
programa Horizon 2020 conta cun orzamento de 76.880 millóns de euros
para o período 2014-2020 sendo o principal instrumento co que
contará a Unión Europea para abranguer os principais retos sociais:
promover o liderado industrial e reforzar a excelencia da súa base
científica a través da investigación e a innovación.
A
Estratexia de Especialización Intelixente de Galicia 2014-2020 (RIS3
Galicia) define de xeito coordinado e conxunto a estratexia para a
investigación e a innovación baseada no concepto de Especialización
intelixente.
Para
máis información cómpre pórse en contacto no teléfono 986269700
ou a través do correo electrónicoctecno@zonafrancavigo.com.
No caso de querer inscribirse é preciso encher o formulario
habilitado na ligazón
específica para tal efecto.
Aqueles que desexen coñecer polo miúdo os contidos da xornada
Sociedades
Seguras
poden consultar o programa
do evento.