O Centro de Excelencia de Vigo incide nas novas oportunidades de negocio que abre a responsabilidade ambiental
martes, 2 de abril do 2013
O Centro de Excelencia
de Vigo celebrou os dÃas pasados, nas instalacións do Consorcio da
Zona Franca de Vigo, un encontro profesional dirixido a pór sobre a
mesma novos xeitos de sermos máis competitivos, eficientes e
produtivos a través dun meirande respecto pola contorna natural na
que desenvolvemos o noso labor. A xornada Innovación e medio ambiente na industria contou con gran
afluencia de profesionais e público en xeral interesado en novas
metodoloxÃas para mellorar a xestión sustentábel como fonte de
rendibilidade nas PEME. Ao abeiro da xornada, expertos de diferentes
eidos relacionados coa organización empresarial insistiron en que a
posta en marcha de estratexias ambientais innovadoras mellora a
actividade empresarial. Precisamente, José Enrique RodrÃguez, xefe
do servizo comercial da Delegación de AENOR en Galicia, recomendou
aos empresarios refugar a idea de que a responsabilidade ambiental é
un custo e animoulles a vela como un factor positivo que pode xerar
novas oportunidades de negocio.
Nesta mesma liña,
Carlos Sánchez, da Fundación para ou Fomento da Calidade Industrial
e o Desenvolvemento Tecnolóxico de Galicia, analizou a existencia de
diferentes programas de financiamento, como Horizon 2020, CIP
Ecoinnovación ou Life +; aos que poden acceder todas aquelas
organizacións que desexen innovar. Pola súa parte, Luz Ferreiro,
responsábel do departamento de Medio Ambiente do Centro Tecnolóxico
AIMEN, insistiu nos beneficios que ofrece a cooperación
interempresarial neste ámbito e deu a coñecer algúns dos proxectos
desenvolvidos por AIMEN. José Ramón Vázquez, xefe de Proxectos de
Investigación de Aqualia, compartiu cos asistentes a experiencia do
seu departamento de I+D+i no desenvolvemento soluciones eficientes
para a depuración de augas. Vázquez explicou diferentes proxectos
nos que traballan arestora para eliminar a xeración de refugallos ou
para aproveitar a materia orgánica que se desprende dos seus
procesos e convertela en produtos de alto valor engadido. Tamén
aproveitou a ocasión para dar a coñecer o innovador proxecto que
están a levar a cabo para conseguir crear unha illa autosustentábel
na que todos os recursos sexan naturais.
Javier Cortón,
responsábel de medio ambiente do Grupo Toysal, foi o encargado de
presentar a actividade innovadora do Grupo no eido da xestión de
refugallos, salientando a instalación dunha planta de tratamento de
aceites a bordo dun buque como o seu proxecto máis importante, xa
que se trata da única instalación destas caracterÃsticas existente
no mundo actualmente. Por último, David da Varga, director de
Sedaqua, spin-off da Universidade de Vigo, especializada en
sistemas ecolóxicos de depuración de augas de baixo custo, explicou
os beneficios que achega o sistema desenvolvido pola súa empresa
para o tratamento de humidais. Aproveitando a gravidade e outros
factores ambientais, conseguiron reducir, até un 95%, o custo da
depuración de augas tanto no ámbito doméstico como no industrial.