O Centro Demostrador TIC amósalle o potencial das nosas tecnoloxías ao sector téxtil
venres, 9 de decembro do 2011
- Unha das prantas de fabricación da galega Inditex
O Centro
Demostrador TIC organiza o vindeiro 15 de decembro unha xornada sobre Solucións tecnolóxicas para a modernización
da Industria Téxtil, que servirá entre outras cousas para amosarlle ao noso
tecido produtivo o que pode facer a nosa tecnoloxía innovadora a prol da súa
mellora competitiva, de promoción, de busca de novos mercados e de xestión. A xornada,
que se celebrará en horario de 10:00h a 13:45h, fará un percorrido por
distintas solucións TIC, entre as que se conta, segundo informa o Centro
Demostrador, “un sistema para o control
do proceso de trazabilidade e outros procesos da cadea de valor, unha
aplicación de intelixencia de negocio que axude aos directivos na toma de
decisións estratéxicas para a súa empresa ou unha solución de xestión
empresarial e planificación de recursos”.
O evento
divulgativo-demostrativo diríxese sobre todo aos profesionais e/ou directivos
das empresas galegas do sector téxtil. A asistencia é de balde, condicionada ao
aforo do local, previa
inscrición en liña a través do portal web do Centro Demostrador TIC.