O Centro Demostrador TIC amosa o potencial para as nosas empresas do sistema Oui!
luns, 26 de xaneiro do 2015
O
Centro Demostrador TIC vai dar acollida o vindeiro mes de febreiro a
unha sesión demostradora sobre o
sistema Oui!, plataforma da firma APM para a xestión empresarial
que amosa, entre outras vantaxes, unha salientábel sinxeleza de uso
no que se refire ao manexo da información e a integración de todos
os elos dunha empresa nunha mesma cadea. A demostración celebrarase
o vindeiro 4 febreiro ao abeiro dunha sesión chamada ERP,
ese gran descoñecido que se desenvolverá en horario de
16.00 a 19.00 horas.
Trátase,
sinalan dende o Centro Demostrador, dunha actividade coa que se
pretende dar a coñecer en profundidade que é un ERP (siglas en
inglés de Enterprise Resource Planning, ou sexa Sistemas de
Planificación Empresarial) e o que pode achegar na xestión dunha
empresa. Na cita, afondarase nos aspectos que cómpre ter en conta no
proceso de selección dun ERP ou como potenciar a competitividade da
empresa a través da implantación dun sistema deste tipo. Ademais,
como dixemos, presentarase Oui!, un sistema ERP para a xestión
integral da empresa.
A
sesión vai dirixida a profesionais na área de xestión, persoal
directivo, mandos intermedios e empresariado. A empresa encargada da
demostración será, precisamente, APM Management Tools.