O Campus de Pontevedra achega cinco actividades para converternos en expertos web
mércores, 4 de marzo do 2020
- O profesor Xabier Martínez Rolán será o coordinador do ciclo formativo TIC
A
Facultade de Ciencias Sociais e da Comunicación do Campus de
Pontevedra vai acoller este mes de marzo un programa de cinco
actividades divulgativas sobre outras tantas vertentes informáticas,
ao abeiro do ciclo Produción e promoción de produtos multimedia.
O
coordinador da iniciativa é o profesor Xabier Martínez Rolán e
contarase coa colaboración docente das empresas Dinahosting e
Quadralia. Tocaranse temas como a visualización de páxinas web
e aplicacións móbil, o potencial das redes sociais na publicidades,
as ferramentas para optimizar o rendemento dunha web e como realizar
traducións para Wordpress.
O
ciclo agrupa unha serie de “contidos transversais” relacionados
coas tres materias que Martínez Rolán imparte este cuadrimestre:
Desenvolvemento web, Deseño de aplicacións móbiles e Produción
publicitaria. “A idea é abrir a mente do alumnado, amosarlle que
non chega con saber facer unha web ou unha aplicación móbil, senón
que hai que saber promovela, do mesmo xeito que para promover algo
tes que saber como se desenvolven eses contidos”, salienta o
coordinador do ciclo, que arrancará o martes 9 con Como camelarte
Google a través do SEO, unha conferencia impartida pola egresada
da facultade Carolina Buján, planificadora en DoGo Strategy, que
trasladará ao alumnado unha serie de nocións sobre técnicas para
mellorar a posición nos buscadores dunha páxina web.
Seguindo
con esa mesma liña, a tamén ex-alumna Sarai Rodríguez, executiva
de contas en Arde, abordará o 16 de marzo o labor de posicionamento
de aplicacións nas tendas en liña para teléfonos móbiles.
O
luns 23, o ciclo porá o foco na visualización publicitaria. Farao
co relatorio Social ads: Facebook sabe máis da ti cá túa
parella, do tamén egresado da facultade e xestor de proxectos en
Elogia, Adrián Aira.
O
martes 24, o ciclo continuará cun coloquio de Iván Expósito,
responsábel de atención ao cliente de Dinahosting, sobre como
optimizar unha web para facela máis eficiente, na que achegará ao
alumnado unha serie de “técnicas para que a páxina teña unha
maior velocidade de carga”.
Jesús
Amieiro, responsábel técnico de Quadralia, pechará o 31 de marzo
este ciclo con Como traducir Wordpress e o seu ecosistema ao
galego, un obradoiro no que achegará ao alumnado unha serie de
nocións que lles permitan sumarse a comunidade de colaboradores
deste xestor de contidos web de código aberto.