O CPETIG organiza dous seminarios sobre protección de datos e eExpediente na Administración de Xustiza
luns, 1 de xuño do 2015
As novas tecnoloxías renovan potencialidades a
velocidade de vertixe, e moita desta amplitude crecente de sistemas,
servizos e posibilidades reprodúcese tamén en todos os eidos que se
benefician das novas tecnoloxías. Por exemplo na Administración
Electrónica, a eAdministración, se cadra un dos ámbitos evolutivos
máis referenciais dos nosos días. Co obxectivo de informar sobre os
aspectos máis relevantes da normativa de protección de datos e da
Administración Electrónica xudicial, así como dos beneficios da
incorporación das TIC no proceso xudicial, o Colexio Profesional de
Enxeñaría Técnica en Informática de Galicia, CPTEIG, organiza
os Seminarios sobre Protección de Datos e Administración de Xustiza
e Expediente Electrónico na Administración de Xustiza.
Os seminarios desenvolveranse en Santiago de
Compostela o día 17 de xuño, na sede da Escola de Administración
Pública (EGAP), a partir das 16.00 horas; e en Ourense, o día 18 de
xuño, na Facultade de Dereito, a partir da mesma hora.
Baixo a dirección técnica de Víctor Salgado,
avogado especialista en lexislación sobre o proceso de datos, as
xornadas van destinadas a xuíces, maxistrados, secretarios xudiciais
e outros funcionarios que realizan trámites na Administración de
Xustiza en Galicia.
Nestes seminarios, cofinanciados pola Axencia de
Modernización Tecnolóxica de Galicia (AMTEGA), abordaranse
distintos aspectos da Lei Orgánica 15/1999, de 13 de decembro, de
Protección de Datos de carácter persoal (LOPD), así como a Lei
18/2011, de 5 de xullo, reguladora do uso das Tecnoloxías da
Información e a Comunicación (TIC) na Administración de Xustiza,
co obxectivo “de dotar de maior seguridade xurídica á nova
realidade tecnolóxica ao tempo que se incrementa a seguridade e a
eficiencia na administración xudicial co uso de novas ferramentas
electrónicas avanzadas”.
Axenda
Santiago (17/06/2015). Ourense (18/06/2015): 16:00 a 20:30 horas:
· 15:30
a 16:00 - Rexistro
· 16:00
a 17:30 - Relatorio I: Protección
de Datos Persoais (1,5 horas).
Relator: Víctor Salgado Seguín – avogado
e socio
do Bufete
Pintos&Salgado
· 17:30
a 18:00 - Café
· 18:00
a 20:30 - Relatorio II: Administración
de Xustiza e Procedemento Xudicial Electrónico: Casos de
Implantación (2,5 horas).
Relatores: Manuel Almenar Belenguer (maxistrado
presidente
da sección 1ª da Audiencia Provincial de Pontevedra) e Juan Carlos
Aladro Fernández (fiscal
xefe
provincial
de Pontevedra).