O CPEIG renova a súa xunta de goberno
luns, 12 de decembro do 2011
Durante a mañá do pasado sábado o Colexio Profesional de
Enxeñaría en Informática de Galicia (CPEIG) conta cunha nova xunta de goberno
que supón unha renovación do 80% con respecto ao equipo anterior, para velar
polos intereses das 325 persoas colexiadas, polos estudos e pola profesión
informática.
A elección da nova xunta
de goberno tivo lugar nunha xuntanza na Sala Mozart do Auditorio de Galicia en Santiago de
Compostela na que se proclamou a única candidatura presentada ás eleccións,
resultando reelixido como presidente Fernando Suárez Lorenzo, quen contará co
apoio na xunta de goberno dos colexiados: Juan Otero Pombo (vicepresidente)
Juan José González Cid (secretario), Francisco Manuel Bago Castro
(vicesecretario), Antonio Carro Mariño (tesoureiro) e Juan Luis Núñez Tourís
(vicetesoureiro), acompañados polos vogais Francisco Javier García Tobío,
Alejandro Diego Benítez Martínez, Fernando Abraham Pizarro Fernández e
Francisco Javier Rodríguez Martínez.
Suárez Lorenzo agradeceu o traballo dos membros saíntes da xunta, e a
confianza depositada na súa persoal, de aí que asegurou aos colexiados que “traballará con novas forzas pola promoción
e defensa da profesión”.
A nova xunta de goberno márcase como obxectivo a mellora dos estudos
universitarios, a formación continua e de calidade para os colexiados, o
impulso da informática verde, o fomento
do galego no ámbito tecnolóxico e a defensa da igualdade de xénero.