O CPEIG convoca o premio fin de carreira e mestrado en Enxeñaría Informática
venres, 8 de marzo do 2019
- O galardón entregarase no transcurso da Noite da Enxeñaría en Informática que organiza o CPEIG
O
Colexio Profesional
de Enxeñaría en Informática de Galicia (CPEIG) convocou o Premio
Fin de Carreira e Máster en Enxeñaría Informática, que vai
pola súa novena entrega. O galardón, que ten unha dotación
económica de 1.000 euros, beneficiará aos tres finalistas
(seleccionados por unha comisión experta) dun ano de colexiación de
balde. Segundo informa o CPEIG, poderanse presentar traballos até o
10 de maio e o premio entregarase no marco da Noite da Enxeñaría en
Informática de Galicia, que se celebrará o 28 de xuño en Santiago
de Compostela.
O
recoñecemento quere ser “un estímulo para os estudantes e
recentemente titulados en Enxeñaría en Informática ou Máster en
Enxeñaría Informática”, informou o CPEIG, engadindo que poden
concorrer enxeñeiras e enxeñeiros que presentaran nunha
universidade galega o proxecto fin de carreira da Enxeñaría en
Informática ou o traballo fin de Máster en Enxeñaría Informática
nos anos 2017, 2018 e 2019. Aqueles estudantes que queiran optar ao
premio do CPEIG poden remitir a documentación precisa (ficha resumo
do proxecto, resumo e memoria completa do mesmo) até o día 10 de
maio ao seguinte enderezo electrónico: informacion@cpeig.gal. A
información sobre as bases
xa está habilitada na web do colexio, en formato PDF, ao igual
que o
formulario para presentar candidatura.
Mediante
a organización deste premio, o ente colexial busca “achegarse ao
colectivo estudantil e defender as vantaxes da colexiación, ademais
de estimular o traballo dos estudantes”.
A
Noite
A
convocatoria realizada polo CPEIG insírese nos premios da Noite da
Enxeñaría en Informática de Galicia, que o Colexio organizará o
28 de xuño, en Santiago de Compostela. Este evento anual, ademais de
representar un punto de encontro entre todos os colexiados, conta
cunha destacada participación de cargos empresariais, institucionais
e políticos e é un referente para o sector.