O CPEIG aconsella mercar por Internet con seguridade no Black Friday
xoves, 12 de novembro do 2020
O
Colexio Profesional de
Enxeñaría en Informática de Galicia (CPEIG) vén de lanzar unha
serie de recomendacións importantes de cara á celebración da
campaña do Black Friday (o vindeiro 27 de novembro), poñendo o
foco na necesidade de mercar por Internet con seguridade, aplicando o
sentido común e, tamén, “fuxindo das ofertas demasiado
atractivas”.
Tamén
fai fincapé na importancia de empregar webs de confianza. O CPEIG
lembra que o 90% dos ciberataques que se producen actualmente son
froito do phishing, estafa coa que os ciberdelincuentes rouban
o nome de usuario e o contrasinal. Este tipo de fraudes irá de xeito
inevitábel a máis coa celebración do Black Friday, que na edición
2020 prevé un importante aumento das compras en liña por causa da
COVID.
O
Colexio Profesional de Enxeñaría en Informática de Galicia (CPEIG)
explica que o ecommerce ou comercio electrónico é un sistema
de compravenda de produtos e servizos que está cada vez máis de
moda e suma adeptos día tras día. A entidade recorda, a respecto do
devandito, que segundo o informe La Sociedad Digital en España
2019 da Fundación Telefónica,
Galicia rexistrou un forte incremento en relación ao comercio
electrónico, alcanzando un 39,2 % en 2019.
Segundo
o CPEIG, “en moitas ocasións, saturados polas présas do día a
día, os compradores non se paran a pensar no fácil que o teñen os
ciberdelincuentes nestas datas para roubar os datos o estafar”. O
presidente do CPEIG, Fernando Suárez, sinala “que cada vez se
compra máis por internet, onde hai gran variedade de opcións,
multiplicándose o número de transaccións”. Asegura que “si é
seguro mercar de forma online”, aínda que indica que tamén
hai que ter en conta unha serie de riscos, sen conscientes deles e
tomar as pautas de seguridade necesarias. “O máis sinxelo é
aplicar o sentido común, desconfiar das gangas e produtos
milagrosos, mercar en webs de confianza nas que o vendedor estea
identificado cos seus datos de contacto por se é preciso contactar
por dúbidas ou devolución do produto”, explica.
Ademais,
nestes días de gran volume de compras a través da Rede unha das
principais ciberameazas da actualidade é o phishing, un tipo
de estafa coa que os ciberdelincuentes rouban o nome de usuario e o
contrasinal. O CPEIG sinala que para levar a cabo esta ciberdelito,
os atacantes envían un correo electrónico (que simula provir dunha
marca ou tenda coñecida) no que se inclúe unha ligazón a un
portal falso e solicitan os datos do usuario, cunha mensaxe
semellante á seguinte: “Houbo un problema co seu pedido. Inicie
sesión na súa conta e confirme os detalles do seu pago”.
Para
protexerse contra un ataque de phishing, en troques de facer
clic no enlace do correo electrónico, o CPEIG explica que o
consumidor debe ir directamente ao sitio web da marca real e iniciar
sesión aí. “O phishing é o punto de partida do 90% de
ciberataques que se producen actualmente”, engade Suárez
Por
todo o devandito, o Colexio ofrece unha serie de consellos para
axudar e previr á poboación:
•
Nunca deben realizarse compras por internet conectado a unha rede
Wi-Fi pública.
•
Hai que asegurarse de que se visitan webs seguras, comprobando que
na parte superior apareza o cadeado de SSL
•
A privacidade é fundamental polo que é importante que xamais se
revele a información persoal (nº de tarxeta, dirección…) por
email ou teléfono.
•
Cómpre usar unha tarxeta só para compras por Internet, unha boa
opción é ter unha de prepago, a cal se utilice só para eses fins.
Mesmo moitas entidades bancarias ofrecen tarxetas virtuais para este
tipo de compras.
•
Debemos memorizar o código CCV e borralo da tarxeta, en caso de
que se extravíe non poderán realizar compras por Internet.
•
Escribir a URL da web na barra de enderezos no canto de entrar a
través dunha ligazón. Desta forma evitaramos a desviación a
posíbeis webs fraudulentas.
•
Utilizar un email específico para compras en liña, desta
forma evitaranse correos que teñan virus.
•
Manter o equipo actualizado e utilizar un antivirus.
•
Comprobar a política de devolucións da tenda online na que
se realizan as transaccións.
•
Gardar os tíckets das compras realizadas.
•
Minimiza ros datos persoais a aportar.
•
Como último consello: Utiliza o sentido común. Desconfía de
gangas e ofertas incríbeis.