O COETG encara o novo ano con formación en ciberseguridade e evidencias dixitais
xoves, 28 de decembro do 2017
O
Colexio
Oficial de Enxeñeiros de Telecomunicación de Galicia (COETG)
presentou os dÃas pasados o programa formativo para o arranque deste
ano 2018 que está a piques de comezar, un programa que fai
fincapé nas temáticas prioritarias para a nova andaina da entidade
(tal e como nolas
recordou nunha entrevista recente Julio Sánchez Agrelo, decano do
COETG e presidente da Asociación de Enxeñeiros de
Telecomunicación de Galicia, AETG). En termos concretos, a
ciberseguridade e as evidencias dixitais serán as temáticas dos
cursos que comezan en xaneiro de 2018, ambos o dÃa 22.
Trátase
de dous obradoiros con formato en liña, Introdución á
Ciberseguridade e Adquisición, análise e presentación de
evidencias dixitais, ámbolos organizados polo colexio e os dous
co prazo de inscrición aberto. O primeiro abordará os antecedentes
e as diversas iniciativas internacionais a nivel de normativa e
regulamento. Estudará os procesos de análise de riscos de
seguridade dunha organización e realizará unha introdución na
aprendizaxe de técnicas de detección de ataques cibernéticos e
actividades maliciosas, prevención, recuperación e mitigación de
ciberataques, avaliación do risco, probas de penetración e análise
de malware.
O
curso sobre Evidencias Dixitais dirÃxese á formación de
expertos en Informática Forense co fin de que teñan a capacidade e
o adestramento preciso para detectar, anticiparse e reaccionar ante
os incidentes de seguridade que sofren acotÃo milleiros de empresas
e usuarios.
Para
máis información sobre estas actividades, que proseguirán este mes
de xaneiro cunha nova xeira formativa sobre Hacking
ético e técnicas de hacking avanzadas sobre Windows
(a partir do dÃa 29), cómpre visitar a
páxina web do COIT sobre as actividades formativas dos colexios de
Telecomunicación.
