O COETG consegue un recoñecemento á profesión do TSXG
mércores, 6 de marzo do 2019
O
Colexio Oficial de Enxeñeiros de Telecomunicación vén de dar a
coñecer unha nova de relevancia para a defensa e recoñecemento da
profesión que representa. Trátase
da decisión recente da Tribunal Superior de Xustiza de Galicia
acerca de varios postos de traballo convocados pola Deputación da
Coruña, cuxas bases veñen de ser anuladas polo Tribunal por
“excluír de maneira inxustificada aos Enxeñeiros de
Telecomunicación”, segundo reflicte o COETG.
O
Colexio lembra que a orixe do proceso está en decembro de 2016,
cando a entidade provincial aprobou a súa Relación de Postos de
Traballo para 2017, na que figuraban nove postos de traballo coa
denominación de “técnicos superiores en informática”. Segundo
o COETG, “nesta relación estaba excluído o acceso aos Enxeñeiros
de Telecomunicación”, o que motivou que a entidade iniciase “as
accións legais oportunas que finalizaron cun recurso de apelación
perante o Tribunal Superior de Xustiza de Galicia”.
A
entidade profesional reflicte que a sentenza dada a coñecer “recolle
na súa integridade os argumentos expostos polo COETG”, amais de
“recoñecer que os enxeñeiros de Telecomunicación posúen un
nivel de coñecementos e aptitudes suficientes para desempeñar o
nove postos de traballo para os que foran excluídos pola Deputación
da Coruña, polo que procedeu á súa anulación”.