O CMG organiza unha cata de viños por videoconferencia

Se quince anos atrás nos dixeran que algún día poderiamos falar con xente que está a máis de 10.000 Km de distancia como se estiveran na nosa mesma habitación, seguramente nos costaría un pouco facernos á idea; do mesmo xeito, se nos dixeran que se podería realizar unha cata de viños con persoas de toda Galicia a través de videoconferencia, a cousa aínda pintaría moito máis complicada de crer.
Pois ben, o Centro Multimedia de Galicia, con motivo da celebración da Festa do Viño de Chantada, vai facer posible esta “utopía”: vai levar a cabo, dende o Telecentro de Comunicación do municipio lugués, unha cata guiada, que poderá ser seguida dende o propio CMG en Santiago e dende outros seis Telecentros de Comunicación de toda Galicia.
Este evento, que se desenvolverá en horario de 20:00 a 22:00 horas, permitirá a participación de 229 persoas: 40 en cada un dos TC de Chantada, Catoira, Carballo e Tui; 28 no do Barco de Valdeorras; 16 no de Monforte de Lemos; 15 no de Oroso, e outras 10 desde o Centro Multimedia de Galicia.
A solicitude de praza poderase formalizar dende hoxe premendo na central en liña de reservas do CMG, e tódolos asistentes disporán do material necesario para a cata: cuspideira, caldos, copas… Desde o Telecentro de Comunicación chantadino, un enólogo será o encargado de abrir o acto e dar paso a unha cata guiada, na que todos os participantes, desde os distintos TC, poderán plantexar as súas dúbidas e experiencias, valéndose das vantaxes das novas tecnoloxías.