O CLAG achegouse aos desafíos do novo escenario dixital nunha xornada que tivo lugar hoxe

O Cluster Audiovisual Galego (CLAG) organizou esta mañá no Hotel Araguaney de Santiago de Compostela un dos seus foros estratéxicos baixo o título de O Escenario Dixital: incertezas, oportunidades e desafíos, no que compañías como Continental Producciones, Electronic Arts, Moonbite Games, ONO, R e Filmutea coincidirán en 3 mesas redondas que abordarán temas como o proceso creativo e os modelos de xestión, o mercado internacional de videoxogos e as posibilidades das canles de televisión temáticas e o vídeo baixo demanda.
O evento foi inaugurado polo secretario xeral de Medios, Alfonso Cabaleiro, quen estivo acompañado polo presidente do Clúster Audiovisual Galego, Andrés Barbé, e o director de contidos dixitais de AMETIC, Antonio Fernández.