O CESGA amosa este venres as posibilidades das tecnoloxÃas para unha pesca máis sustentábel
xoves, 28 de febreiro do 2013
Este venres temos
cita en Compostela co coñecemento innovador galego ao servizo da
preservación do medio ambiente e a biodiversidade. Máis polo miúdo,
coas especies mariñas non prioritarias que se adoitan sacrificar na
procura das que si o son. A cita vén da man do Centro de
Supercomputación de Galicia (CESGA)
e máis os seus socios no proxecto
Faros, que van avaliar novas tecnoloxÃas para optimizar a
xestión dos descartes e ferramentas para minimizar a captura de
especies non obxectivo. Será no transcurso dunha xornada que terá
lugar, como dixemos, este venres 1 de marzo en Santiago, na sede do
CESGA.
Segundo informa o centro
galego, os investigadores e técnicos que participan nesta iniciativa
europea darán conta do sistema BEOS, alta tecnoloxÃa en visión
artificial aplicada a buques de pesca; do sistema Red Boxes para a
transmisión dos datos dos barcos aos portos e, finalmente, do
xeoportal de descartes posto en marcha no seo deste proxecto para por
en contacto á flota que os xera coas empresas que os valorizan. Esta
xornada, organizada polo CESGA, dará comezo ás dez da mañá e
finalizará a mediodÃa cunha mesa redonda.
Xunto á Fundación CESGA
participan no proxecto Faros, o Instituto de Investigacións
Mariñas-CSIC, que coordina esta iniciativa, ademais do Centro
Tecnolóxico do Mar (CETMAR), a Autoridade Portuaria de Vigo, o
Instituto Español de OceanografÃa, o Instituto de Investigaçao das
Pescas e do Mar-IPIMAR de Portugal. Financiado pola Unión Europea a
través do programa Life, este proxecto ten, como dixemos, o
obxectivo xeral de desenvolver e posta en marcha dunha rede integral
cara á xestión dos descartes da pesca baseada nun sistema global de
información tanto na flota como en terra e que implique a todo o
sector pesqueiro. Os seus socios, que contan ademais coa colaboración
das empresas Marexi e ASM, levan traballando conxuntamente dende
2010. Os resultados definitivos presentaranse a finais do mes de
marzo nun novo evento na sede do CETMAR.