O CERMI denunciará ás webs que non cumpran os requisitos de accesibilidade esixidos
luns, 26 de xaneiro do 2009
O Comité Español de Representantes de Persoas
con Discapacidade (CERMI) vén de anunciar que, dende agora, vai denunciar ás
páxinas de Internet de entidades públicas que non sexan accesibles para persoas
con discapacidade, no grao que esixe a lexislación vixente.
Segundo a mesma,
dende o pasado dÃa 1 de xaneiro de 2009, tódalas páxinas de Internet de
entidades pertencentes ao sector público (estatal, autonómico e local) deben
ser accesibles de acordo co grao medio de accesibilidade xeralmente aceptado. O
incumprimento desta obriga de universabilidade constitúe unha infracción da Lei
49/2007, do 16 de decembro, pola que se establece o réxime de infraccións e
sancións en materia de igualdade de oportunidades, non discriminación, e pode
ser sancionado con multas de ata 90.000 euros.
O CERMI
comprobará a accesibilidade das webs públicas máis relevantes e, en caso de que
incumpran a normativa aplicable, serán denunciadas perante a Dirección Xeral de
Discapacidade do Ministerio de Educación, PolÃtica Social e Deporte, órgano
encargado de recibir as reclamacións e instruÃr o expediente sancionador.
Asemade, recibirá
queixas de entidades e asociacións e canalizaraas ante a Administración
competente en materia de infraccións e sancións.