O CDTIC celebrará un ciclo de obradoiros de realidade virtual para PEME
xoves, 22 de novembro do 2012
O Centro Demostrador TIC acollerá a vindeira semana un ciclo
de Obradoiros de Capacitación sobre Realidade Virtual para PEME organizado pola
entidade pública Red.es en colaboración coa Axencia Galega para a Modernización
Tecnolóxica de Galicia (AMTEGA). A asistencia é de balde condicionada ao aforo do
local e previa inscrición en liña a
través da páxina web do Centro Demostrador TIC.
O primeiro dos obradoiros, Aplicacións da realidade
virtual e a realidade aumentada na empresa terá lugar o 26 de novembro
de 10:00 a 14:30, está dirixido a directivos xerentes, directores de proxecto,
xefes de oficina técnica e directores comerciais. Este seminario comezará cunha
charla maxistral impartida polo recoñecido experto nacional e internacional
Miguel Motos, director do Area de Realidade Virtual, 3D e Simulación da empresa
Ingevideo, S.A. A continuación presentaranse as diversas aplicacións e
posibilidades que ofrece a Realidade Virtual e Aumentada na fabricación
industrial, na construción, no turismo, formación ou sanidade.
O resto dos obradoiros, de carácter máis técnico, están
dirixidos a profesionais dos sectores TIC, industrial, arquitectura e deseño, retail, audiovisuais e comunicación. A
través destas sesións proporcionarase coñecementos básicos nas tecnoloxÃas de
realidade aumentada e realidade virtual: que son, para que serven, como é a
creación de contidos, cal é o uso básico do motor de renderizado en tempo real
UNITY3D e de que ferramentas de software libre dispoñemos. A programación dos
seminarios é a que segue:
Introdución a xeración de aplicacións de
Realidade Virtual, martes 27 de novembro de 10:00 a 14:30
Creación
de contidos 3D para Realidade Virtual, mércores 28 de novembro de 10:00
a 14:30
Realidade Virtual na web. UNITY3D,
xoves 29 de novembro de 10:00 a 14:30
Xeración
de aplicación de Realidade Aumentada, venres de novembro de 10:00 a
14:30