O CDTIC acolle a semana que vén un curso sobre tendas en liña
mércores, 10 de febreiro do 2016
O Centro Demostrador TIC, que xestiona a AMTEGA, organiza o
dÃa 18 de febreiro o seminario Coñece os
pormenores de montar unha tenda en liña que se impartirá nas súas
instalacións de 16:00 a 20:00 horas. Nesta actividade formativa explicarase,
desde un punto de vista práctico e real, como iniciar un proxecto de comercio
electrónico e cales son os erros máis comúns que se adoitan cometer na súa
posta en marcha.
O programa da xornada inclúe temas como os elementos clave para poñer en marcha
un proxecto destas caracterÃsticas (estratexias, tecnoloxÃa, provedores,
loxÃstica, medios de pagamento etc.) ou as pautas a seguir para vender os
produtos en liña noutros paÃses.
Este seminario está destinado principalmente a persoal directivo, responsables
comerciais e de mercadotecnia e, en xeral, todas as persoas que desexen iniciar
un proxecto de comercio electrónico. O encargado de impartir a sesión será Fernando Gómez, CEO do Grupo
Predomina, consultor de mercadotecnia en liña e asesor de proxectos TIC da Rede
de Business Angels InnoBAN.