O Brain Training axuda a potenciar a atención dos cativos en operacións matemáticas

Investigadores escoceses comprobaron os efectos do uso do Brain Training para Nintendo DS por parte de cativos, detectando que o uso da aplicación desenvolvida polo Dr. Kawashima ten efectos positivos, pese a que moitos críticos aseguraban que non tiñan efecto ningún.
O estudo analizou a reacción de máis de 600 alumnos de 32 escolas, que utilizaron o Brain Training durante 20 minutos antes das súas clases durante 9 semanas, mentres que outro grupo de control deixaba de lado o título para a DS, e tralo período de proba os que usaban o xogo conseguían completar unha serie de probas en 13,5 minutos, mentres que ao resto lles levaban 18,5 minutos.
Enténdese así que certas aplicacións electrónicas poden servir para mellorar a concentración dos alumnos (especialmente en operacións matemáticas) polo que habería que contemplalas cada día máis na educación dos cativos.