O Arquivo Histórico da USC segue adiante no seu proceso de dixitalización
martes, 4 de xuño do 2013
Compostela ten a súa
propia memoria histórica e tamén conta co seu propio gardián,
o Arquivo Histórico
Universitario. Pois atendendo á importancia de salvagardar todo
o acontecido ao longo da historia da cidade, dende este centro de
operacións (situado tamén no centro histórico de Santiago) estase
a levar a bo ritmo un proceso de dixitalización total que comezaba
en 1997 co gallo de poder consultar
en liña todo o que rodea á nosa memoria documental. O fondo en
cuestión componse de 9.000 metros lineais de documentos, sendo o
universitario o máis voluminoso e ao que lle seguen os protocolos
notariais dos distritos de Arzúa, Corcubión, Melide, Muros,
Negreira, Noia, Ordes, Padrón e Santiago.
Cómpre dicir que o
Arquivo tivo unha época na que o seu cometido era a conservación e
custodia dos fondos propios da Universidade, mudando a súa
actividade nos anos 40 do pasado século, intre no que comeza a
contar con documentación relativa á cidade e á súa contorna. É
tamén a finais dese século cando atopa por fin o seu emprazamento
definitivo, no histórico antigo edificio da Casa Simeón. E que se
pode atopar neste Arquivo? Amais da documentación do Hospital Real;
dos mosteiros e conventos, cabidos catedralicios, confrarÃas e
outras institucións eclesiásticas ás que afectaron as Leis
desamortizadoras do XIX; das antigas contadorÃas de Santiago e das
oficinas liquidadoras de Carballo, Corcubión, Negreira, Padrón e
Santiago; fondos xudiciais coas causas civÃs e criminais das antigas
xurisdicións de Santa Marta de Ortigueira, Cedeira e As Pontes de
GarcÃa RodrÃguez; o fondo municipal do propio concello de Santiago
e os dos antigos de Sar, Enfesta e Conxo; o fondo Castroviejo
Blanco-Cicerón; ademais de arquivos polÃticos e sindicais,
musicais, mapas e planos.
Por último, salientar
que no pasado ano 2012 a base de datos en liña foi consultada por
máis de 6.000 persoas, cun total de 226.000 consultas.