O Android 2.2 podería permitir o tethering

Imaxe na que podemos ver que Android 2.2 permite crear puntos de acceso Wi-Fi dende o móbil

O blog tecnolóxico TechCrunch informou en primicia de que o Android 2.2 Froyo vai incluír unha novidade tan rechamante como a integración de Flash 10.1, como sería a posibilidade de permitir que os móbiles con este sistema operativo instalado poidan operar coma modems USB (para aproveitar a súa tarifa plana de datos contratada dende un ordenador portátil) e incluso coma puntos de acceso Wi-Fi, aínda que polo momento descoñécese se os operadores de telefonía móbil que vendan estes terminais poidan desactivar tal funcionalidade de xeito predeterminado.
Agárdase que dentro dunha semana sexa a presentación oficial de Froyo e así poderemos saír de dúbidas sobre estas novidades que poden revolucionar aos móbiles con Android.