O 80% das nosas empresas TIC teñen aberta unha liña de innovación en produto
xoves, 27 de setembro do 2012
No transcurso do Foro
do Sector TIC galego, celebrado este mércores 26 de setembro en Vigo, presentáronse
os resultados do proxecto de Benchmarking
Tecnolóxico, desenvolvido por INEO co obxectivo de impulsar a
competitividade do sector TIC de Galicia e avanzar no seu posicionamento no
mercado global. Neste proxecto, informa a asociación galega que preside Jorge
Cebreiros, analÃzase a situación das empresas TIC galegas en termos de
innovación tecnolóxica e compárase coas tendencias en I+D+i no ámbito internacional.
Entre os datos obtidos neste proxecto, destaca que o 80% das empresas
consultadas teñen aberta unha liña de innovación en produto, un dato que
contrasta con que apenas o 20% que innovan desde un punto de vista comercial.
No tocante ao
investimento, o 40% das empresas destinan entre un 5 e un 10% dos seus recursos
á Investigación e ao Desenvolvemento (I+D) e ningunha das participantes neste
proxecto supera un investimento do 25%.
Por outra banda, o
proxecto de INEO sinala as liñas de I+D prioritarias para as TIC galegas. O cloud computing (computación na nube), a
Internet de servizos e a enxeñarÃa de software son, para o 80% das empresas, as
liñas de maior potencial. A continuación, sitúase a investigación e
experimentación sobre a Internet do futuro (70%) e, en terceiro lugar, a
Internet relacionada cos obxectos (60%).
O proxecto culmina
cunha serie de recomendacións aos axentes do sistema galego de I+D+i, ás
institucións públicas e ás empresas TIC, co obxectivo de impulsar as
actividades de innovación en Galicia e de mellorar o posicionamento da nosa Comunidade
nos ámbitos nacional e internacional.