O 65% de Trazo conta xa con cobertura de fibra óptica de Movistar

Movistar prosegue nesta recta final de agosto cos balances relativos á presenza da súa fibra óptica de útlima xeración nos concellos galegos. Segundo fixo saber, xa despregou a súa Fibra Óptica ata o Hogar (FTTH) en 9 núcleos de poboación de Trazo, o que permitiu que 96 nuevo unidades inmobiliarias dispoñan desta avanzada infraestrutura de comunicación. Estas vivendas súmanse ás 17 xa conectadas nos últimos meses á FTTH de Movistar, o que supón o 65% de todas as unidades inmobiliarias de Trazo.
Os novos núcleos con cobertura de FTTH de Movistar son A Ponte, O Candendo, A Arnoba, Gurís, Raíndo, Quintán, A Irexe e O Porto.
Movistasr explica que os fogares conectados “poderán contar voz con alta calidade nas chamadas e máxima velocidade de conexión a Internet en varios dispositivos (computador, tableta, móbil…) de forma simultánea e sen reducir a velocidade de conexión, entre outras vantaxes”. Ademais, se o usuario dispón de MovistarPlus, terá acceso a canles de alta definición e poderá gozar dos seus contidos mentres navega por Internet, ademais de conseguir a máxima velocidade e resposta nos xogos en rede.