Nova beta de GALPon MiniNo
luns, 19 de abril do 2010
- Captura de pantalla desta interesante distribución de Linux orientada a equipos con prestacións reducidas
En abril de 2008
naceu o proxecto
GALPon MiniNo coma confluencia de GALPon Mini e Minino, dando lugar
a unha distribución de Linux actualizada en galego e español, e orientada a
equipos reciclados da Universidade de
Vigo, pero válida para ordenadores con recursos reducidos, que continúa a renovarse,
de xeito que estrea
unha nova versión de proba na que pode verse unha aparencia renovada
e moitas melloras e novas utilidades, mantendo moi vivo este sistema operativo
que na práctica goza dun grao de tradución ao galego do 100%.
O novo GALPon MiniNo está xa dispoñible
para a súa descarga, e inclúe novidades de interese coma escritorio
dobre baseado en ROX-Filer e PCManfm, Lxp-icewm, fiestras con deseño propio,
montaxe automática de arquivos comprimidos, aparición automática no escritorio
de tarxetas de memoria e memorias USB, etc.