No polo aeroespacial galego xa traballan máis de 50 axentes
luns, 26 de novembro do 2018
Segue
adiante, collendo pulo, o polo aeroespacial de Galicia. Hoxe a
Consellería de Economía deu a coñecer que o programa está no
ecuador da súa execución, e que nel participan máis de medio cento
de axentes, entre entre administracións, socios tecnolóxicos e PEME
que se foron incorporando dende a orixe da iniciativa. , ao abeiro do cal estanse a impulsar
iniciativas que mobilizarán preto de 165 millóns de euros.
Conde
lembrou que entre as máis salientábeis incorporacións recentes á
iniciativa atópanse a de Boeing, cuxa implicación no polo foi
cualificada por Conde como “unha magnífica nova para contar con
empresas tractoras que permitan avanzar nos diferentes programas de
innovación”. Conde asegurou que o obxectivo é “seguir
traballando para pasar dos proxectos de innovación ao
desenvolvemento industrial deste sector”. Así, avanzou os
proxectos que se van poñer en marcha nos vindeiros meses, como o
parque industrial que se vai construír nas instalacións de Rozas,
cun investimento de 2,4M€ que prevé, nunha primeira fase,
desenvolver 30.000m2 cunha dispoñibilidade inicial para a
implantación de sete naves. Tamén se referiu á aceleradora
aeronáutica de Lugo que botará a andar nas próximas semanas coa
convocatoria da primeira das súas tres edicións previstas e nas que
se espera mobilizar un mínimo de 4,75M€ dando soporte a 19
empresas e a creación de 60 empregos directos.
En
canto ao Programa de Solucións, dixo que están adxudicados nove
dos 10 contratos licitados. En concreto, tres centrados no
desenvolvemento de solucións para a xestión do territorio, tres
para a mellora da competitividade do sector agrícola, dous para a
seguridade e actividade da frota pesqueirontrol e calidade das
augas e un, liderado por Boeing, para a xestión do tráfico aéreo e
a convivencia entre aeronaves tripuladas e non tripuladas.
Conde
salientou tamén a “complementariedade das iniciativas que se están
a realizar nas Rozas: “Mentres os socios tecnolóxicos Indra e
Babcock están a desenvolver en colaboración con PEME e centros
tecnolóxicos catro plataformas (entre avións non tripulados e un
dron mariño) e as súas aplicacións, proxectos como o que realizará
Boeing será fundamental para permitir a súa convivencia con avións
tripulados e avanzar no eido da seguridade e o control aéreo”.