Neeva, o buscador de pagamento alternativo a Google anuncia o seu peche
luns, 22 de maio do 2023
- Neeva promocionábase principalmente como un buscador sen a molesta integración publicitaria que ten Google
En 2020 veu a luz
Neeva, un servizo que resultaba moi
sorprendente por ser unha alternativa de pagamento ao buscador de Google. Este buscador
promete uns resultados nos que a publicidade non é un atranco que estraga a
experiencia de uso, á vez que tamén facilita un uso seguro e privado, ou sexa,
que ataca directamente ao modelo de negocio de Google.
Este concepto bastante arriscado por ir contracorrente viviu unha
transformación profunda a comezos de ano, adaptándose á tendencia da
intelixencia artificial xenerativa e os grandes modelos de linguaxe, de xeito
que Neeva AI en vez de ser un buscador de páxinas web podÃa verse como un motor
de respostas, que adiantouse en boa medida ao que fixeron logo Bing e Google.
Pero o feito de facer algo innovador e arriscado por parte dun equipo áxil e reducido
non é dabondo, e Neeva
anuncia que botará o peche o 2 de xuño, asegurando que o grande problema
que atoparon non foi a dificultade de que os usuarios quixesen pagar por unha
experiencia mellor, senón pola resistencia dos usuarios a probar novos
buscadores.
O peche do buscador de Neeva non suporá a desaparición do equipo que está
detrás do proxecto, pois os seus avances en intelixencia artificial supuxeron
unha grande experiencia que pretenden aproveitar para futuros traballos, que
previsiblemente adoptarán modelos de negocio sustentables, sen basearse nunha
proposta de David contra Goliat.