#NeThinking devolve a reflexión sobre os contidos dixitais á Illa de San Simón
venres, 25 de abril do 2014
A cuarta edición de
#NeThinking botou hoxe a andar na Illa de San Simón, foro no que quince
expertos en redes sociais, comunicación e ámbitos culturais xúntanse
presencialmente para debater, permitindo que o público poida seguir o evento en
directo a través de streaming e
realizar a súas propias achegas vÃa Twitter durante os
dous dÃas nos que se reparte este evento que xira ao redor da transformación da
industria dos contidos informativos e culturais por mor do impacto da Internet.
#NeThinking está organizado pola SecretarÃa Xeral de Cultura e nesta nova
edición conta coa presenza de varios participantes de anteriores entregas como
Mario Tascón, Raquel Martos, Julián Hernández ou Eduardo Arcos, aos que se une
nesta ocasión o presidente da Fundeu, JoaquÃn Müller, e o publicista Risto
Mejide.
Nesta primeira xornada desenvolvéronse temas de vital transcendencia no eido
dixital, como os recentes soportes de comunicación e as novas tendencias nos
medios en liña, nos que queda por resolver o modelo de negocio e a innovación
na presentación dos contidos. Tamén se abordou a cuestión da propiedade
intelectual, analizando os aspectos vinculados á nova lei, asà como as
repercusións en creadores e usuarios en todo o que atinxe aos dereitos de
autor.
Mañá sábado os participantes reflexionarán sobre a creatividade e os contidos,
o uso das redes sociais e a adaptación aos distintos formatos, asà como a
educación dixital, no que se refire ás novas ferramentas de aprendizaxe
xurdidas na rede e como educar aos nosos fillos no contorno virtual.
O emprendemento tamén será un eixo central do debate, co estudo dos novos
negocios e profesións. Tras as sesións pecharase un documento de conclusións
que, ao igual que en edicións anteriores, converterase nunha ferramenta para
avanzar na busca de respostas aos retos máis importantes que impón a cultura
dixital.