MySpace faise cos dereitos de emisión da serie Quarterlife

Os produtores de series coma Es Mi Vida ou Treinta y tantos, e películas coma Traffic, Marshall Herskovitz e Edward Zwick venderon a súa nova serie Quarterlife a MySpace, que a estreará na Internet intentando repetir o éxito de series como a de LonelyGirl15.

Quarterlife está composta por 36 episodios de 8 minutos para probar así un formato axeitado para a Internet, e narrará as historias dun grupo de rapaces de pouco máis de 20 anos que xiran entorno a unha rapaza (Dylan Krieger) que narra as súas experiencias nun videoblog.
A nova serie estrearase o vindeiro 11 de novembro e buscará a interacción e complicidade co seu público, aínda que o máis rechamante é que nesta ocasión non se trata dunha produción de baixo presuposto, senón que parece un produto que noutros tempos poderiamos ver en televisión.