Muros completa a cobertura definitiva da TDT
xoves, 3 de decembro do 2009
Grazas á axuda dun microrremisor instalado no lugar
de Santa Catalina, na parroquia coruñesa de Tal, os veciños do concello de
Muros ao completo xa poden recibir correctamente o sinal da Televisións Dixital
Terrestre (TDT), unha tecnoloxía que agardaban impacientemente e que chega a
tempo para darlle cobertura tamén aos fogares das parroquias de Abelleira e Tal
de Arriba.
O alcalde muradán,
Domingos Dosil maila concelleira de Cultura e xuventude, Laura Eiras, mantiveron
onte pola tarde unha reunión cos veciños da localidade costeira para dar conta
do funcionamento deste novo servizo e explicarlles ás persoas asistentes en qué
consiste esta nova tecnoloxía que paseniñamente vai chegando a cada recuncho do
noso país.
Á xuntanza, á que
acudiron medio cento de persoas, tivo como obxectivo analizar todo o relativo á
posta en marcha da Televisión Dixital Terrestre así como a resolver as dúbidas
plantexadas polos veciños e veciñas da zona en torno a este tema, que xa non é
novo para a maioría da xente.
A dúbida máis
xeralizada era a data de entrada en vigor da TDT co consecuente apagón analóxico
definitivo, así como os problemas máis habituais que presenta esta tecnoloxía.
En referencia a isto último, Dosil tranquilizou aos presentes apuntando que se
atopaban algún tipo de anomalía se puxesen en contacto de maneira inmedita co
Concello, “para que un responsable da
empresa fose a reparar o problema”.
Domingos Dosil
mostrouse moi “satisfeito” pola
chegada da TDT a todas as parroquias de Muros, así como pola calidade do sinal
recibido, que é inmellorabla grazas aos cinco microrremisores instalados en
toda a localidade.
Nembargantes, aínda que
todo fora ben e os veciños non presentasen ningunha queixa, o executivo loval
vai levar a cabo divesas probas nos vindeiros días, para ver que os aparellos
funcionana correctamente e non xean problemas de sinal.