Movistar tira proveito de WhatsCine para achegarse ás persoas con discapacidade audiovisual
xoves, 10 de decembro do 2015
A campaña de Nadal de Movistar chega á grande pantalla co primeiro
anuncio accesible para cinemas, que se proxectará do 11 ao 24 de decembro
en 3.028 salas de toda España e que, grazas á tecnoloxía de WhatsCine , único
sistema do mundo que inclúe os tres elementos de accesibilidade (audiodescripción,
subtítulos e lingua de signos) poderán gozar en ao redor de 500 salas (entre
as que figuran os cines Yelmo da cidade da Coruña e as salas de Galicine en
Ourense, Pontevedra e Vigo) todas as persoas con discapacidade audiovisual en
igualdade de condicións e sen interferir na experiencia do resto dos
espectadores.
Durante un minuto o anuncio fai un aceno ao
público convidándolle a descubrir da man dalgúns personaxes da mítica saga Star
Wars que ”todo o entretemento da Galaxia está en Movistar+” (os deportes,
as series e o cinema), e para gozar do anuncio accesible, o usuario só ten que descarga
de balde a aplicación WhatsCine (dispoñible na App Store
e en
Google Play) e instalala na súa smartphone ou tableta. Unha vez na sala de
cinema, o usuario conéctase á rede integrada Wi-Fi da sala e elixe a opción de
subtítulos , de Lingua de Signos Española (LSE) ou de audiodescripción, segundo
as súas necesidades.
O espectador con discapacidade auditiva verá no seu
dispositivo os subtítulos ou a imaxe dun intérprete de LSE sincronizada
cos diálogos da película, dependendo da súa elección. Así mesmo, as persoas
cegas poden escoitar a audiodescripción da película a través duns auriculares
conectados ao seu smartphone ou tablet sen interferir co son da sala. WhatsCine
utiliza o audio da propia sala para sincronizar perfectamente o seu sistema de
accesibilidade. O sistema tamén é compatible coas proxeccións desde DVD ou Blu-ray.
Pero ademais de facer accesible a campaña de Nadal, a
compañía ofrece ás persoas con discapacidade audiovisual a posibilidade de
gozar en Movistar+ dunha ampla selección de películas accesibles coa app
WhatsCine. Este contido tamén está dispoñible na plataforma Yomvi.
Vídoe promocional de Movistar+ para o Nadal