Movistar leva a súa fibra óptica a 413 novos fogares e locais de Valga
martes, 28 de xullo do 2020
Telefónica
compartiu con nós o seu balance sobre os traballos recentes
despregados en Valga para dotar o concello pontevedrés con máis
cobertura de Fibra Óptica Até o Fogar (FTTH polas súas siglas en
inglés). Os labores saldáronse coa incorporación á zona de
cobertura de 412 novas vivendas e empresas, que se suman ás 469 que
xa contaban con este servizo da operadora, o que supón, nas súas
palabras, unha zona de influencia que abrangue o 35% do municipio. As
novas unidades inmobiliarias en cobertura sitúanse en 6 núcleos de
poboación: Baño, Cedelo, A Devesa, Medela, Ponte Valga e Senín.
A
posta en cobertura destas unidades inmobiliarias, que xa foi
comunicada ao alcalde do municipio, José María Bello, significa que
aquelas poderán gozar da fibra óptica de Movistar, que ofrece voz
con alta calidade nas chamadas e máxima velocidade de conexión a
Internet en varios dispositivos (computador, tableta, móbil) de
xeito simultáneo e sen reducir velocidade de conexión, entre outras
vantaxes. Ademais, engade a operadora no seu balance, “se os
usuario dispoñen de Movistar+ terán acceso a canles de alta
definición e poderán gozar dos seus contidos mentres navegan por
Internet”. Igualmente conseguirán a máxima velocidade e resposta
nos xogos en rede.
O
director de Territorio Norte de Telefónica, Javier Zorrilla, puxo o
foco na importancia detas infraestruturas para “contribuír ao
benestar dos cidadáns e ao desenvolvemento do municipio”, ao tempo
que agradeceu a colaboración e a predisposición do Concello “á
hora de conceder os permisos necesarios para levar a cabo o
fornecemento dunha rede que se demostrou fundamental durante a crise
do COVI-19”.
O
despregue nos novos fogares que entran agora en cobertura está
impulsado polo Ministerio de Economía a través do Plan Nacional de
Extensión de Banda Ancha de Nova Xeración - PEBANG. Telefónica
continúa así coa súa política de colaboración público-privada
para situar a Galicia, nas súas palabras, “á vangarda en
infraestruturas de telecomunicacións de última xeración”. A
finais de 2019, o 60% da poboación da provincia de Pontevedra
contaba con cobertura de fibra óptica (FTTH) de Movistar, o que
supuxo un total de 347.315 vivendas e negocios e un 14,7% máis que
no exercicio anterior. A previsión é que na provincia entren este
ano en cobertura outras 43.854, tamén en núcleos dispersos e
orograficamente complexos, aumentando en máis dun 12,6% a poboación
pontevedresa que poderá gozar da fibra óptica de Telefónica.