Movistar leva a súa fibra óptica a 1.459 novos fogares de Caldas de Reis

A operadora Movistar despregou a súa tecnoloxía de Fibra Óptica ata o Fogar (FTTH) en tres núcleos de poboación de Caldas de Reis. Estes traballos de equipamento tecnolóxico permitiron que 1.459 novas unidades inmobiliarias dispoñan desta avanzada infraestrutura de comunicación. Estas vivendas súmanse ás 271 xa conectadas nos últimos meses á FTTH de Movistar, o que supón un 30,5% de todas as unidades inmobiliarias de Caldas de Reis.
Os novos núcleos con cobertura de FTTH de Movistar son Caldas de Reis, Soutelo de Arriba e Soutelo de Abaixo.
Segundo explica a operadora, os fogares conectados poderán gozar de voz con alta calidade nas chamadas e máxima velocidade de conexión a Internet en varios dispositivos (computador, tableta, móbil…) de forma simultánea e sen reducir a velocidade de conexión, entre outras vantaxes. “Ademais”, engade a compañía de telecomunicacións, “se o usuario dispón de MovistarPlus, terá acceso a canles de alta definición e poderá gozar dos seus contidos mentres navega por Internet, ademais de conseguir a máxima velocidade e resposta nos xogos en rede”.