Movistar incorpora 2 novos móbiles ao seu programa de puntos

O mes de abril está a ser movido no sector da telefonía móbil, e aínda que o sistema operativo Android busque protagonizar estas semanas, hai moita oferta lonxe do paraugas de Google, e coma mostra temos que Movistar vén de incorporar ao seu programa de puntos os terminais Sony Ericsson Vivaz e Samsung Onix S5620.
O Sony Ericsson Vivaz destaca pola súa cámara de 8 Mpíxeles, grava vídeo en alta definición, conta cunha memoria microSD de 8 Gb, conectividade HSPA, Wi-Fi, GPS e Bluetooth, e pode adquirirse de balde por 156.400 puntos e un compromiso de permanencia de 18 meses ata por 361 euros e 6.500 puntos. No caso de contratar co móbil unha tarifa de datos o terminal pode saír de balde por 119.400 puntos e 24 meses de compromiso de permanencia ata 242 euros con 6.500 puntos e 18 meses de permanencia.
O Samsung Onix S5620, sen ser un terminal tan coñecido, tamén goza de boas prestacións, coma conectividade HSDPA, Wi-Fi, GPS, Bluetooth, cámara de 3,15 Mpíxeles, pantalla TFT capacitiva de 3 polgadas e interface TouchWiz 2.0 Plus (que integra as principais redes sociais e aplicacións de mensaxería instantánea) e pode conseguirse de balde por 40.300 puntos, tarifa de datos e un compromiso de permanencia de 18 meses ata por 195 euros con 3.500 puntos.

Táboa de puntos e prezos para adquirir o Sony Ericsson Vivaz ou o Samsung Onix S5620 dende Movistar