Motorola despedirá a 4.000 empregados e reducirá o seu catálogo de terminais móbiles
luns, 13 de agosto do 2012
- Instalacións de Motorola Mobility en Libertyville (Illinois)
O
pasado mes de maio completouse a adquisición de Motorola por parte de Google,
principalmente para facerse coa súa carteira de patentes (para poder defender o
sistema operativo Android fronte ás demandas xudiciais de competidores como
Apple), pero sen eliminar a actividade da compañÃa que non estaba a pasar polos
seus mellores momentos, polo que agora van proceder a reformularse nunha
reestruturación que suporá o despedimento
do 20% dos traballadores e o peche da terceira parte das súas 94 oficinas repartidas
por todo o mundo.
Segundo informan dende o The New York Times os cambios non van limitarse a
despedir a 4.000 traballadores, senón que a compañÃa vai abandonar os mercados
nos que non é rendible, deixar de fabricar terminais de baixa gama e enfocarse
nuns poucos móbiles en vez de fabricar ducias de modelos distintos.
Este cambio de rumbo parece obrigado nun momento no que o 90% dos beneficios do
mercado dos smartphones vai parar a
Apple e Samsung, quedando moi pouco pastel para repartir entre Motorola, RIM,
LG, Nokia e outros fabricantes, situación moi difÃcil de mudar. De feito, a
división de móbiles de Motorola perdeu cartos en 14 dos 16 últimos trimestres,
o que amosa o difÃcil que é o panorama actual e as dificultades que terán para
devolver a Motorola a posición que tiña no pasado.