Modernización comprométese a impulsar as TIC nos sectores produtivos
martes, 6 de outubro do 2009
A secretaria xeral de Modernización e Innovación Tecnolóxica, Mar Pereira,
mantivo, hoxe, unha primeira reunión
de traballo coa Asociación multisectorial de novas tecnoloxÃas da información e
a comunicación de Galicia (INEO), na que transmitiu o máximo apoio da Xunta
para o impulso das novas tecnoloxÃas nos sectores produtivos.
Para a secretaria xeral de Modernización, esta xuntanza supón un paso máis
para elaborar as liñas concretas de actuación futuras en materia de novas
tecnoloxÃas en sectores produtivos como o mar, o sector da automoción ou o
sociosanitario. Neste senso, Mar Pereira, avanzou que INEO está a facer unha
análise dos sectores nos que a incorporación de novas tecnoloxÃas podan supoñer
unha mellora considerable da competitividade nas empresas.
Con
este primeiro encontro danse os pasos para o establecemento de relacións de
colaboración entre a Administración e o sector TIC, tendo en conta que
trátase dun sector estratéxico para a dinamización do conxunto do sector
empresarial galego. Dada a transversalidade das TIC, os proxectos de
colaboración que poidan emprenderse entre este sector e o resto suporá non só
un pulo na modernización das empresas senón tamén o acceso a novas
oportunidades de negocio para as empresas de INEO (88 a dÃa de hoxe, que xeran
un volume de negocio de máis de 270 millóns de euros e dan emprego a máis de
3.300 traballadores, converténdose nun referente de peso das TIC en Galicia).