Miguel Ángel Rodríguez afirma que a Rede será a televisión do futuro
venres, 22 de xuño do 2007
O voceiro do primeiro Goberno de Xosé María Aznar,
xornalista, empresario e escritor, Miguel Ángel Rodríguez, foi entrevistado en
Periodista Digital para presentar a súa nova iniciativa, nuevatelevision.es, coa que o popular
personaxe se suma ás iniciativas empresariais que apostan polo vídeo na Rede.
Rodríguez asegurou que nun momento no que nacen tantas canles de televisión
locais e dixitais resulta moi complicado competir coa televisión de Internet,
especialmente grazas ó cambio de hábitos dos usuarios, que xa non acoden á
radio ou á televisión para achegar novas de máxima actualidade, senón que teñen
á Internet como referencia informativa de última hora.
- Nuevatelevision.es é a última iniciativa de Miguel Ángel Rodríguez
|
O público, a xuízo de Miguel Ángel Rodríguez, tamén se está a afacer a ver
imaxes sen a calidade que esixe a televisión dixital, dándolle máis peso á mera
imaxe que á calidade da información (o que tamén está a crear un problema, pois
fan moi doada a manipulación).
Finalmente, Rodríguez asegura que nos equivocabamos ó pensar que tódolos medios
ían converxer nos televisores domésticos, e que este papel o está a tomar o
ordenador afirmando que “Internet pronto
será un gran televisor”.