Microsoft detalla como instalar Windows 11 en equipos sen TPM 2.0

Esta semana comezou o despregamento de Windows 11, e aínda que dende Microsoft insisten moito en que non recomendan actualizar manualmente de Windows 10 a Windows 11 se o noso equipo non cumpre cos requisitos mínimos, sorprende ver como na páxina web de soporte de Windows recollen varias formas alternativas para instalar Windows 11 de xeito manual e incluso detallan como modificar o rexistro do sistema operativo para omitir a comprobación de TPM 2.0, e así poder actualizar a Windows 11 en equipos que carecen de tal tecnoloxía.
Tras indicar paso a paso como instalar Windows 11 en equipos nos que non se recomenda facelo, advirten que tal método pode ser arriscado e levar a que o usuario teña que reinstalar completamente o sistema operativo, deixando claro unha vez máis que non parece unha boa idea a realización de actualizacións innecesarias (pois lembremos que Windows 10 aínda ten moitos anos de vida por diante).