Menus.es vaise a Silicon Valley da man de La Caixa

Menus.es, servizo-empresa centrado en cupóns de desconto e menús de establecementos xeolocalizados de toda España, vaise a Silicon Valley o vindeiro 26 de novembro (até comezos de de decembro) para participar nunha xeira de encontros empresariais, tecnolóxicos e innovadores, con firmas TIC e complexos de I+D da costa oeste de Estados Unidos. As xuntanzas veñen da man de La Caixa e insírense na súa estratexia para permitir o achegamento das empresas españolas innovadoras ao “meirande polo de innovación a nivel mundial”.
A firma galega Menus.es, da que temos falado en Código Cero para dar conta da súa posta en marcha e da súa concorrencia en EmprendedorXXI, viaxará a California xunto con outras dezasete novas empresas (escolmadas de tódalas comunidades autónomas) para participar nas devanditas xeiras de visitas, networking e foros de investimento. Na axenda de viaxe están programada tomas de contacto, in situ, con empresas senlleiras de Silicon Valley, como Google, Softonic, IBM, Microsoft, a NASA e Pzifer, entre outras, ademais de institucións de prestixio, como a Universidade de Stanford. La Caixa fixo a dita selección de novos emprendedores a través do devandito Premio Emprendedor XXI.