Medra o investimento de Innova Saúde e Hospital 2050
venres, 5 de outubro do 2012
Innova Saúde e Hospital 2050, proxectos dos
que falamos recentemente con motivo dos apoios e suxestións innovadoras que están
a recibir de xeito colectivo e aberto (até 142 xa), son a día hoxe os
proxectos máis ambiciosos en materia de innovación sanitaria do Goberno galego
actual, que quere ter un financiamento á medida. Segundo informa a Xunta, non só
se teñen superado as expectativas de investimento (pasando dos 90 millóns iniciais
a 99, co que se reforza a vertente de I+D), senón tamén o grao de execución dos
mesmos.
“Este
ano”, fixo saber este días o Goberno galego, “están en marcha case a metade do total das execucións: 14 millóns
tramitados desde principio de ano e outros 27 millóns que estamos tramitando
con data tope final do ano 2012. É dicir, máis de 40 millóns licitados neste
ano para innovación sanitaria”.
Sinalar que Hospital 2050 é un proxecto
encamiñado “a desenvolver un hospital do
futuro, eficiente, seguro, respectuoso co medio ambiente, adaptado ás novas
tecnoloxías e centrado no paciente”. Pola súa banda, a iniciativa
Innova Saúde céntrase na prestación de servizos asistenciais, cun novo modelo
de hospitalización e un novo procedemento para os procesos agudos.