Marshmallow será o alcume oficial de Android 6.0
luns, 17 de agosto do 2015
Ao igual que tras presentar Android 5.0 no Google I/O en
2014 só
se deu a coñecer a Lollipop baixo o
nome de Android L, na pasada edición do encontro para desenvolvedores de Google
falouse
do futuro Android 6.0 como Android M, e finalmente confirmouse que o novo
Android responderá ao alcume de Marshmallow
(lambonada coñecida en español como malvavisco
ou nube).
A confirmación chegou hoxe mesmo a través do anuncio
do kit de desenvolvemento oficial para Android 6.0 e a apertura de Google
Play para facilitar a publicación de aplicacións móbiles para a vindeira
versión de Android. Os desenvolvedores tamén pode agora acceder á versión
preliminar final de Android M, ou sexa, que dende dispositivos como o Nexus 5,
Nexus 6, Nexus 9 ou Nexus Player xa se pode gozar dunha versión case final de
Android 6.0 (dispoñible
para a súa descarga), para facilitar a proba de aplicacións antes da súa
publicación.
Cómpre lembrar que Android 6.0 non chegará ao público xeral até o outono, de
xeito que pretenden que os desenvolvedores poidan probar ben as súas novidades,
para o que tamén existen importantes novidades en Google Play, plataforma que
agora permite o acceso a betas abertas ou a betas pechadas (autorizando
usuarios en función do seu enderezo de e-mail) como alternativa ao método
actual de betas pechadas con comunidades en Google+.
VÃdeo no que presentan a estatua de Android Marshmallow que colocarán nos xardÃns do Google Campus