Mancomún publica unha nova versión de AraOS
luns, 18 de maio do 2009
Co gallo do DÃa das Letras Galegas e DÃa Mundial das Telecomunicacións e da
Sociedade da Información dende Mancomún liberaron unha nova
versión do metapaquete AraOS para Ubuntu 9.04, que facilita a galeguización
do sistema operativo aberto e modifica a súa aparencia gráfica. Esta solución pode
instalarse coma engadido a Ubuntu, ou coma sistema operativo completo (e mesmo
coma LiveCD, o que permite probalo
sen gravar información no disco duro do noso ordenador).
O AraOS 9.04 inclúe a tradución ao galego de aplicacións coma OpenOffice.org,
Thunderbird e Firefox, incluÃndo coma predeterminado o corrector ortográfico en
galego. Esta ferramenta é a empregada para a creación da distribución Galinux,
pero tamén é posible facer distribucións á
medida dun sector concreto, valéndose de AraOS, de xeito que moitos
colectivos poden contar co seu propio Linux.
Dende Mancomún tamén deron a coñecer a tradución
ao galego de Ubunchu, o primeiro
manga sobre Ubuntu, que pretende servir para facer máis popular o Linux entre
os mozos.
- Imaxe do manga Ubunchu