Máis de 5.000 persoas de toda Galicia acudiron ao Talentia Summit de Santiago
mércores, 23 de outubro do 2019
Finalmente
botou o peche o encontro Talentia Summit’19, destinado a facilitar
a máxima interactividade entre empresas e potenciais integrantes
destas empresas, co fin de estimular o emprego e a colaboración. O
evento, que se celebrou entre o luns e hoxe, veu
da man da Concello de Santiago, quen salientou este mércores, a
través do seu alcalde (Xosé Sánchez Bugallo), as importantes
cifras de participación obtidas: 5.000 persoas
mobilizadas de toda Galicia, máis dun centenar de empresas ofrecendo
oportunidades de contratación e unha manchea de currículos
circulando dende as primeiras (as persoas mobilizadas) ás segundas
(as empresas).
O
alcalde de Santiago, Xosé Sánchez Bugallo, clausurou hoxe o evento
nun acto institucional no que tamén participou a concelleira de
Compostela Aberta, Marta Lois, e membros do Pacto local polo Emprego.
Xosé Sánchez Bugallo destacou “o éxito desta edición”, e
emprazou á organización “a seguir traballando para que a do
próximo ano sexa aínda mellor”.
Volvendo
ás cifras, a edición 2019 veu acompañada de 1.000 vacantes achegadas á web do evento; 100 empresas participantes durante a Feria
do Talento (70 delas recrutando talento directamente profesionais);
940 asistentes en actividades de formación, certificación e
desenvolvemento do talento; 400 persoas usuarias dos talleres como
vídeo-currículo profesional, fotografía profesional, redeseño do
currículo e LinkedIn e orientación laboral; e 370 persoas que
asistiron a sesións de asesoramento (mentoring) persoal para
recibir resposta a dúbidas dos seus sectores profesionais.