Máis de 2.000 webmasters se congregaron en Madrid a pasada fin de semana

O I Congreso de Webmasters que durante a pasada fin de semana tivo lugar no Palacio de Congresos do paseo da Castellana de Madrid acolleu a máis de 2.500 persoas involucradas no desenvolvemento de proxectos na Internet, que atoparon así un xeito de intercambiar coñecementos e experiencias.
O Congreso pretendeu ilustrar ós administradores de páxinas web na busca da rendibilidade económica das súas iniciativas, destacándose o feito de que a meirande parte dos asistentes era «xente moza, con ganas de aprender» segundo o director xeral de Zanox, José Luis Valdivielso, organizador do evento.