Máis da metade das empresas suspenden en accesibilidade en liña
luns, 23 de maio do 2011
Estamos en boas condicións para que
falar cunha empresa na Internet non sexa como falar cunha parede?
Dito doutra maneira: representa a Rede para as empresas unha canle de
comunicación verdadeiramente útil e rendible co cliente ou ben
elles unha estratexia para enlealo? Segundo un informe do
Observatorio Santiago Mediano Avogados que reflicte
CiberSur, a Rede representada polo sector privado non semella
cumprir moitas destas esixencias básicas en materia de
accesibilidade en liña. De feito, engádese no informe, máis da
metade das empresas incumpren este tipo de requirimentos de
navegación establecidos ao abeiro da Lei de Impulso da Sociedade da
Información.
Cómpre lembrar que este regulamento,
posto en marcha hai dous anos, promove a supresión de atrancos para
que a comunicación entre consumidores e empresas sexa fluÃda. O
estudo, feito sobre a base dos casos de empresas representativas dos
sectores que o regulamento obriga a habilitar canles telemáticas
para os clientes, certifica que unha boa parte destas páxinas
especÃficas non serven máis que para ocupar espazo en liña. Por
sectores, engade o informe, as firmas que mellor seguimento fan da
Lei son as da banca e as do transporte aéreo. Polo que respecta a
atención á diversidade funcional, a investigación sinala que a
aposta pola accesibilidade segue a ser unha das grandes materias
pendentes do noso tempo. De feito, só o 30% das empresas avaliadas
deron mostras de ter adaptado os seus servizos en liña para dar
resposta aos ditos colectivos.