Madrid usará a tecnoloxía galega Tiivii no centro de adestramento de taekwondo de Puerta de Hierro
mércores, 22 de decembro do 2021
A
Comunidade
de Madrid adxudicou á empresa galega Cinfo, referente en tecnoloxías
de produción automática, a instalación dun sistema intelixente de
gravación e emisión de eventos deportivos no centro de
adestramento de taekwondo situado no complexo deportivo de Puerta de
Hierro.
Cinfo,
sobre os detalles do proxecto, informou de que un total de 9 cámaras
(incluíndo dispositivos cenitais) instalaranse no recinto para
recoller as accións dos taekwondistas desde calquera ángulo. O
seguimento dos deportistas farase de forma automática, “sen
necesidade de dispor dun operador de cámara”, grazas ao software
de Intelixencia Artificial de Tiivii, que “é quen de detectar
tanto aos deportistas como accións concretas durante os combates,
para captar todos os detalles dos mesmos”, sinalou a empresa da
Coruña, engadindo que todas as imaxes gravadas poderán ser
analizadas polos deportistas e os seus técnicos grazas ao software
de Tiivii, unha ferramenta que permite revisar en detalle todos os
movementos dos taekwondistas para mellorar a súa técnica
individual.
O
sistema tamén posibilita emitir calquera competición que se dispute
no recinto. A maiores, grazas á mesa de realización na nube Tiivii
Studio a emisión poderá levarse a cabo con calidade televisiva,
usando diferentes planos na retransmisión, con repeticións,
grafismos, locución e marcador.
