Lugo acolle mañá a I xornada do EmprendeTIC 2010
mércores, 23 de xuño do 2010
Os
empresarios e empresarias do noso paÃs interesados en ampliar os seus
coñecementos en novas tecnoloxÃas para aplicalos á súa vida cotiá e mellorar a
situación das súas empresas e negocios, teñen de prazo ata esta mesma tarde
para incribirse no Proxecto EmprendeTIC 2010, que da comezo mañá xoves, 24 de
xuño, coa xornada TecnoloxÃa: Ferramenta
para a integración, coorganizada por Cogami.
A Sala de
Innovación Tecnolóxica Empresarial da Fundación CEL (SITE) foi a encargada de
deseñar un programa formativo e demostrativo especializado en novas tecnoloxÃas
para o devandito colectivo, e froito dese programa xurdiu o Proxecto EmprendeTIC 2010, que é unha continuación
do EmprendeTIC 2009, celebrado con éxito o pasado ano.
Nesta
primeira xornada, os relatores convidados darán a coñecer os produtos e
servizos tecnolóxicos de apoio que existen no mercado actual e que as persoas
asistentes poden levar ás súas empresas e fogares; asà como os que parten da
Administración, que permiten que as persoas con algún tipo de discapacidade
logren unha maior accesibilidade.
Nesta
xornada, que terá lugar no salón de actos da facultade de Humanidades do campus
de Lugo, haberá relatorios que achegarán, entre outras cousas, información sobre
a introdución das TIC neste colectivo, as iniciativas de integración laboral ou
os incentivos públicos para a implantación de medidas que permitan superar
barreiras. Como convidados estarán por exemplo, Enrique Varela Couceiro,
presidente da Fundación TecnoloxÃa Social e impulsor do proxecto O Camiño dos
Satélites, Gil Barrero Llano, xerente da empresa especializada en solucións
integrais para persoas con discapacidade Sistemas Avanzados para Mobilidade e
Independencia e delegado na zona noroeste de BJ Adaptaciones; e os responsables
dos proxectos INTIC e Inredis das fundacións Orange e Vodafone,
respectivamente.
Asemade,
as persoas asistentes poderán comprobar de primeira man o funcionamento de
equipos informáticos adaptados.
A
inscrición, que é de balde, pode efectuarse directamente a través da páxina web do proxecto, ou ben
descargando o formulario, dispoñible no mesmo portal, e enviándoo por fax ao
982 284 922.