Lowi oferta fibra, móbil e chamadas ilimitadas por 34,95 euros/mes
xoves, 16 de agosto do 2018
A competencia pola captación de clientes a liñas fibra
óptica no fogar é cada vez maior, e o operador de baixo custo de Vodafone está
a lanzar unha promoción que é das máis agresivas do mercado, xa que até
o 15 de setembro permitirá contratar fibra a 50 Mbps, 20 GB de datos no móbil e
chamadas ilimitadas por 34,95 euros/mes, no que definen como «unha tarifa
moderna e a prezo oitenteiro».
Este tipo de oferta busca atraer a usuarios que non están interesados na
contratación de paquetes con televisión e que tampouco precisan de liña de
telefonÃa fixa, ou sexa, que simplemente queren liña móbil e banda larga
doméstica para un reducido número de usuarios simultáneos, o que semella un
escenario cada vez máis frecuente, tanto polo avance cara á irrelevancia da
telefonÃa fixa como pola emerxencia dos servizos audiovisuais baseados na
Internet (como Netflix).