Life with PlayStation achegará á PS3 novas e información meteorolóxica
venres, 27 de xuño do 2008
- Imaxe da presentación de Life with PlayStation en Tokyo
A tenda de
descargas de vÃdeo non será a única novidade da PlayStation Network, pois teñen
pensado incorporar a esta rede a serie de servizos informativos Life with PlayStation,
que incorporará distintas canles co paso do tempo, e que nun primeiro momento
se estreará con novas e información meteorolóxica.
A
interface do novo servizo presenta un globo terráqueo polo que nos podemos
desprazar ata unha zona na que ver as súas novas, asà coma as
condicións meteorolóxicas, presentándose ambos servizos simultaneamente, de
xeito que cando picamos sobre unha cidade podemos ver o estado do tempo e unha
listaxe de novas relacionadas coa mesma.
Mentres se consulta este novo servizo informativo tamén é posible escoitar
música de fondo para amenizar a experiencia.
